Lab Technician Jobs in Telangana: తెలంగాణ రాష్ట్రంలోని వివిధ డిపార్ట్మెంట్లలో జనరల్ రిక్రూట్మెంట్ ద్వారా ల్యాబ్ – టెక్నిషియన్ గ్రేడ్-II (Lab-Technician Grade-II) పోస్టుల భర్తీకి మెడికల్ హెల్త్ సర్వీసెస్ రిక్రూట్మెంట్ బోర్డు (Medical Health Services Recruitment Board-MHSRB) నోటిఫికేషన్ జారీ చేసింది. మొత్తం 1,284 పోస్టుల భర్తీకి ప్రకటన విడుదల చేశారు. రాత పరీక్ష(కంప్యూటర్ బేస్డ్ టెస్ట్), వెయిటేజీ మార్కులు, సర్టిఫికెషన్ వెరిఫికేషన్ ఆధారంగా అభ్యర్థులను ఈ పోస్టులకు ఎంపిక చేస్తారు. ఆసక్తి కలిగిన అభ్యర్థులు ఆన్ లైన్ లో దరఖాస్తు చేసుకోవచ్చు.
డిపార్ట్మెంట్లు వారీగా ఖాళీలు
1. డైరెక్టర్ ఆఫ్ పబ్లిక్ హెల్త్ అండ్ ఫ్యామిలీ వెల్ఫేర్ / డైరెక్టర్ ఆఫ్ మెడికల్ ఎడ్యుకేషన్ – 1,088
2. తెలంగాణ వైద్య విధాన పరిషత్ – 183
3. ఎంఎన్జే ఇనిస్టిట్యూట్ ఆఫ్ ఆంకాలజీ అండ్ రీజనల్ క్యాన్సర్ సెంటర్ (MNJIO&RCC) – 13
జోన్ల వారీగా పోస్టులు
- డైరెక్టర్ ఆఫ్ పబ్లిక్ హెల్త్ అండ్ ఫ్యామిలీ వెల్ఫేర్ / డైరెక్టర్ ఆఫ్ మెడికల్ ఎడ్యుకేషన్ – 1,088
జోన్-I –187, జోన్-II – 111, జోన్- III – 145, జోన్-IV–159, జోన్-V–137, జోన్-VI–180, జోన్-VII–169 - తెలంగాణ వైద్య విధాన పరిషత్ – 183
జోన్-I –31, జోన్-II – 24, జోన్- III – 28, జోన్-IV–32, జోన్-V–12, జోన్-VI–40, జోన్-VII–16 - ఎంఎన్జే ఇనిస్టిట్యూట్ ఆఫ్ ఆంకాలజీ అండ్ రీజనల్ క్యాన్సర్ సెంటర్ – 13
అర్హతలు
నోటిఫికేషన్ వెలువడిన తేదీ నాటికి అభ్యర్థులు ఈ కింది అర్హతలలో ఏదైనా ఒకటి కలిగి ఉండాలి.
- (a) Certificate in Laboratory Technician Course
- (b) MLT(VOC)/Intermediate (MLT Vocational) with one-year clinical training/apprenticeship training
- (c) Diploma in Medical Lab-Technician Course (DMLT)
- (d) B.Sc (MLT)/M.SC(MLT)
- (e) Diploma in Medical Lab (Clinical Pathology) Technician Course
- (f) Bachelor in Medical Laboratory Technology (BMLT)
- (g) P.G.Diploma in Medical Laboratory Technology
- (h) P.G.Diploma in Clinical Biochemistry
- (i) B.Sc (Microbiology) / M.Sc (Microbiology)
- (j) M.Sc in Medical Biochemistry
- (k) M.Sc in Clinical Microbiology
- (l) M.Sc in Biochemistry
అలాగే, అభ్యర్థులు తెలంగాణ పారా మెడికల్ బోర్డ్‌లో రిజిస్టర్ చేసికొని ఉండాలి. ఆ సర్టిఫికెట్‌ను ఆన్‌లైన్‌లో అప్‌లోడ్ చేయాల్సి ఉంటుంది.
వయసు
- ఈ పోస్టులకు అభ్యర్థుల వయసు జూలై 01, 2024 నాటికి 18 సంవత్సరాల నుంచి 46 సంవత్సరాల మధ్య ఉండాలి.
- మాజీ సైనికులు (Ex-Servicemen), ఎన్సీసీ (N.C.C) అభ్యర్థులకు మూడు (03) సంవత్సరాలు సడలింపు ఉంది.
- ఎస్సీ, ఎస్టీ, బీసీ, ఈడబ్ల్యూఎస్, తెలంగాణ రాష్ట్ర ప్రభుత్వ ఉద్యోగులకు ఐదు (05) సంవత్సరాలు సడలింపు ఉంది.
- దివ్యాంగులకు పది (10) సంవత్సరాల సడలింపు ఉంది.
- ప్రస్తుతం ఇతర డిపార్ట్మెంట్లలో పనిచేస్తున్న రాష్ట్ర ప్రభుత్వ ఉద్యోగులకు వారి సర్వీసు పీరియెడ్ను బట్టి ఐదు (05) సంవత్సరాలు సడలింపు ఉంది.
- ఆర్టీసీ ఉద్యోగులు, కార్పొరేషన్లు, మున్సిపాలిటీలలో పనిచేసే ఉద్యోగులు రాష్ట్ర ప్రభుత్వ ఉద్యోగుల పరిధిలోకి రారు.
జీతం నెలకు
- డైరెక్టర్ ఆఫ్ పబ్లిక్ హెల్త్ అండ్ ఫ్యామిలీ వెల్ఫేర్ / డైరెక్టర్ ఆఫ్ మెడికల్ ఎడ్యుకేషన్, తెలంగాణ వైద్య విధాన పరిషత్ లో ఉద్యోగాలకు ఎంపికైన వారికి రూ.32,820 – రూ. 96,890 చెల్లిస్తారు.
- ఎంఎన్జే ఇనిస్టిట్యూట్ ఆఫ్ ఆంకాలజీ అండ్ రీజనల్ క్యాన్సర్ సెంటర్ లో ఉద్యోగాలకు ఎంపికైన వారికి రూ.31,040 – రూ.92,050 చెల్లిస్తారు.
ఉద్యోగాలకు ఎంపిక విధానం
- మొత్తం 100 పాయింట్ల ఆధారంగా అభ్యర్థులను ఈ పోస్టులకు ఎంపిక చేస్తారు.
- అర్హత పరీక్షలో పొందిన మార్కుల శాతానికి గరిష్ఠంగా 80 మార్కులు కేటాయిస్తారు.
- రాష్ట్ర ప్రభుత్వం పరిధిలోని ఆసుపత్రులు, వివిధ కార్యక్రమాలలో కాంట్రాక్టు, ఔట్ సోర్సింగ్ పద్ధతిలో పనిచేసిన వారికి గరిష్ఠంగా 20 మార్కులు కేటాయిస్తారు.
- గిరిజన ప్రాంతాల్లో పనిచేసిన వారికి 6 నెలలకు 2.5 పాయింట్లు, గిరిజనేతర ప్రాంతాల్లో పనిచేసిన వారికి 6 నెలలకు 2 పాయింట్లు కేటాయిస్తారు.
- నోటిఫికేషన్ వెలువడిన తేదీ నాటికి కనీసం 6 నెలలు పనిచేస్తేనే ఈ మార్కులు కేటాయిస్తారు. అయితే, ఈ మార్కులకు సంబంధించి సంబంధిత విభాగం హెచ్ ఓ డీ నుంచి సర్టిఫికెట్ తీసుకొని అప్ లోడ్ చేయాల్సి ఉంటుంది.
ఎలా దరఖాస్తు చేయాలి
- ఈ పోస్టులకు అభ్యర్థులు ఆన్ లైన్ పద్ధతిలో మాత్రమే దరఖాస్తు చేసుకోవాల్సి ఉంటుంది.
- ఆసక్తి కలిగిన, అర్హులైన అభ్యర్థులు మెడికల్ హెల్త్ సర్వీసెస్ రిక్రూట్మెంట్ బోర్డుకు చెందిన వెబ్ సైట్ (https://mhsrb.telangana.gov.in) లోకి లాగిన్ అయ్యి దరఖాస్తు చేసుకోవాల్సి ఉంటుంది.
- విద్యార్హతలు, అనుభవనంకు సంబంధించిన సర్టిఫికెట్లు అప్ లోడ్ చేయాలి.
- అలాగే, ఎగ్జామినేషన్ ఫీజు రూ.500 చెల్లించాలి. ప్రాసెసింగ్ ఫీజు నిమిత్తం జనరల్ అభ్యర్థులు రూ.200 ఆన్ లైన్ లో చెల్లించాలి.
- ఎస్సీ, ఎస్టీ, బీసీ, ఈడబ్ల్యూఎస్, దివ్యాంగులు, మాజీ సైనికులు ప్రాసెసింగ్ ఫీజు చెల్లించాల్సిన అవసరం లేదు.
- దరఖాస్తుల సమర్పణకు చివరి తేదీ అక్టోబర్ 5, 2024 సాయంత్రం 5 గంటల వరకు.
- అక్టోబర్ 7, 2024 ఉదయం 10:00 గంటల నుంచి అక్టోబర్ 8, 2024 సాయంత్రం 5 గంటల వరకు అప్లికేషన్ ఎడిట్ ఆప్షన్ ఇస్తారు.
- నవంబర్ 10, 2024న రాత పరీక్ష ఉంటుంది.
ఏఏ సర్టిఫికెట్లు అప్ లోడ్ చేయాలి
- ఆధార్ కార్డు
- ఎస్సెస్సీ మెమో (డేట్ ఆఫ్ బర్త్ ప్రూఫ్ కోసం)
- క్వాలిఫైయింగ్ ఎగ్జామ్ సర్టిఫికెట్
- క్వాలిఫైయింగ్ ఎగ్జామ్ మార్కుల మెమో
- తెలంగాణ పారా మెడికల్ బోర్డు రిజిస్ట్రేషన్ సర్టిఫికెట్
-
ఎక్స్ పీరియన్స్ సర్టిఫికెట్ (కాంట్రాక్టు, ఔట్ సోర్సింగ్ అభ్యర్థులకు)
-
స్టడీ సర్టిఫికెట్లు (1వ తరగతి నుంచి 7వ తరగతి వరకు)
- ఒకవేళ ప్రైవేటు స్కూళ్లలో చదివినట్లయితే రెసిడెన్స్ సర్టిఫికెట్ అప్ లోడ్ చేయాలి.
- కులం సర్టిఫికెట్ (ఎస్సీ, ఎస్టీ, బీసీ అభ్యర్థులు)
- నాన్ క్రిమీ లేయర్ సర్టిఫికెట్ (బీసీ అభ్యర్థులు మాత్రమే)
- ఆదాయం సర్టిఫికెట్ (ఈడబ్ల్యూఎస్ అభ్యర్థులు మాత్రమే)
-
స్పోర్ట్స్ సర్టిఫికెట్ (స్పోర్ట్స్ కోటా రిజర్వేషన్ కలిగిన వారు మాత్రమే)
- సదరమ్ సర్టిఫికెట్ (దివ్యాంగ అభ్యర్థులు మాత్రమే)
- సర్వీస్ సర్టిఫికెట్ (ఎక్స్ సర్వీస్ మెన్ అభ్యర్థులు మాత్రమే)
- సర్వీస్ సర్టిఫికెట్ (ఎన్ సీ సీ అభ్యర్థులు మాత్రమే)
-
సర్వీస్ సర్టిఫికెట్ (ప్రస్తుతం ప్రభుత్వ ఉద్యోగులుగా పనిచేస్తున్న వారు)
- అభ్యర్థి ఫొటో (జేపీజీ/జేపీఈజీ/పీ ఎన్ జీ ఫార్మాట్ లో)
- అభ్యర్థి సంతకం (జేపీజీ/జేపీఈజీ/ పీఎన్ ఫార్మాట్లో)
ముఖ్య గమనిక
- పై సర్టిఫికెట్లు అన్నీ ఒరిజినల్ కాపీలను మాత్రమే అప్ లోడ్ చేయాలి.
- ఒక్క సారి అప్ లోడ్ చేసిన సర్టిఫికెట్ మళ్లీ చేయడానికి ఉండదు.
- క్లియర్ గా స్కాన్ చేసి అప్ లోడ్ చేయాలి. ఇవే సర్టిఫికెట్లను వెరిఫికేషన్ సమయంలో తీసుకెళ్లాల్సి ఉంటుంది.
- రెసిడెన్స్, కులం, నాన్ క్రిమీ లేయర్ సర్టిఫికెట్, ఆదాయం సర్టిఫికెట్లన్నీ అభ్యర్థులు తమ సొంత మండలం నుంచి మాత్రమే తీసుకోవాలి.
- వివాహం జరిగిన మహిళా అభ్యర్థులు కూడా తమ సొంత మండలం నుంచి మాత్రమే తీసుకోవాలి.
- భర్త గ్రామం, మండలం నుంచి తీసుకున్న సర్టిఫికెట్లు చెల్లుబాటు కావు.
- అప్లికేషన్ లో కూడా మహిళా అభ్యర్థులు తండ్రి పేరు మాత్రమే రాయాలి. భర్త పేరు రాయకూడదు.
Lab Technician Jobs in Telangana