Admissions in Warangal Sainik School

Admissions in Warangal Sainik School : వరంగల్ జిల్లా అశోక్​నగర్​లోని బాలుర సైనిక పాఠశాలలో 2023-24 విద్యా సంవత్సరానికి గాను 6వ తరగతి మరియు ఇంటర్మీడియట్​ ఎంపీసీ ఫస్ట్​ ఇయర్​లో అడ్మిషన్లు కల్పించేందుకు తెలంగాణ గిరిజన సంక్షేమ గురుకుల విద్యాలయాల సంస్థ (Telangana Tribal Welfare Residential Educational Institutions Society‌‌-TTWREIS) నోటిఫికేషన్​ జారీ చేసింది. రాత పరీక్ష ఆధారంగా విద్యార్థులకు ప్రవేశాలు కల్పిస్తారు. నేషనల్​ డిఫెన్స్​ అకాడమీ (NDA), సర్వీసెస్ సెలక్షన్ బోర్డ్ (SSB) తదితర సైనిక దళాల్లో ఉద్యోగాలు కల్పించేందుకు గాను తెలంగాణ రాష్ట్రంలోని వరంగల్ జిల్లా అశోక్​నగర్​లో బాలుర సైనిక పాఠశాలను ఏర్పాటు చేశారు. ఎంపికైన విద్యార్థులకు 6వ తరగతి, ఇంటర్మీడియట్​ ఎంపీసీ ఫస్ట్​ ఇయర్​లో సీబీఎస్​ఈ (CBSE) సెలబస్​లో బోధించడంతో పాటు ఎన్​డీఏ, ఎస్​ఎస్​బీ శిక్షణ కూడా ఇస్తారు. సైనిక శిక్షణే ప్రధానాంశంగా ఉంటుంది. అలాగే, ఉచిత వసతి, భోజనంతో పాటు దుస్తులు, పుస్తకాలు తదితరాలు అందిస్తారు.

Number of Seats

ఈ పాఠశాలలో 6వ తరగతిలో 80 సీట్లు, ఇంటర్మీడియట్​ ఎంపీసీ ఫస్ట్​ ఇయర్​లో 80 సీట్లు ఉంటాయి. ఇందులో బీసీ విద్యార్థులకు ఐదు(05), ఎస్సీ విద్యార్థులకు ఐదు(05), మైనార్టీ విద్యార్థులకు ఐదు(05), ఎస్టీ విద్యార్థులకు యాభై ఎనిమిది (58), ఇతర కులాల విద్యార్థులకు ఐదు(05), గురుకుల ఎంప్లాయీస్​ కోటాలో ఒకటి, స్పోర్ట్స్​ కోటాలో ఒక సీటు కేటాయిస్తారు. ఒక వేళ ఓసీ, బీసీ, ఎస్సీ, మైనారిటీ, గురుకులం ఉద్యోగుల కోటా, స్పోర్ట్స్ కోటాలో ఖాళీలు ఉంటే వాటిని మెరిట్  ప్రకారం ఎస్టీ విద్యార్థులకే కేటాయిస్తారు.

Eligibility

• 6వ తరగతిలో అడ్మిషన్ల కోసం 2022-23 విద్యా సంవత్సరంలో ఏదైనా గుర్తింపు పొందిన పాఠశాల నుంచి ఐదో తరగతి వార్షిక పరీక్షకు హాజరుకాబోయే వారు బాలుర విద్యార్థులు అర్హులు.
• ఇంటర్​మీడియట్​ ఎంపీసీ ఫస్ట్​ ఇయర్​లో అడ్మిషన్ల కోసం 2022-23 విద్యా
  సంవత్సరంలో ఏదైనా గుర్తింపు పొందిన పాఠశాల నుంచి పదో తరగతి వార్షిక పరీక్షకు హాజరైన బాలుర విద్యార్థులు అర్హులు.
• విద్యార్థి తల్లిదండ్రుల వార్షిక ఆదాయం పట్టణ ప్రాంతాల్లో రూ.2 లక్షలు, గ్రామీణ ప్రాంతాల్లో రూ.1.5 లక్షలు మించకూడదు.
• తెలుగు, ఇంగ్లిష్ రెండు మీడియంల విద్యార్థులు అర్హులు.

Age Limit

ఇంటర్మీడియట్​లో అడ్మిషన్ల కోసం ఏప్రిల్​ 01, 2006 నుంచి జూన్​ 31, 2008 మధ్య జన్మించిన బాలురు అర్హులు.
6వ తరగతిలో అడ్మిషన్ల కోసం ఏప్రిల్​ 01, 2011 నుంచి మార్చి 31, 2013 మధ్య జన్మించిన బాలురు అర్హులు.

Selection Procedure

రాత పరీక్షలో వచ్చిన మార్కుల్లో మెరిట్​ ఆధారంగా, శారీరక సామర్థ్య పరీక్ష, మెడికల్​ టెస్టులు నిర్వహించిన విద్యార్థులకు అడ్మిషన్లు కల్పిస్తారు.

Written Test

• రాత పరీక్ష మల్టిపుల్ ఛాయిస్ విధానంలో ఉంటుంది.
• ప్రశ్నలు 100 ఉంటాయి.
• ఆరో తరగతి రాత పరీక్షకు ఐదో తరగతి స్థాయి నుంచి ప్రశ్నలు ఇస్తారు.
• తెలుగు నుంచి 20 ప్రశ్నలు, ఇంగ్లిష్ నుంచి 30 ప్రశ్నలు, మ్యాథ్స్ నుంచి 30 ప్రశ్నలు, సైన్స్  నుంచి 10 ప్రశ్నలు, సోషల్ స్టడీస్ నుంచి 10 ప్రశ్నలు ఇస్తారు.
• ఇంటర్ రాత పరీక్షకు 8-10వ తరగతి స్థాయి నుంచి ప్రశ్నలు ఇస్తారు.
• ఇంగ్లిష్ నుంచి 20 ప్రశ్నలు, మ్యాథ్స్ నుంచి 40 ప్రశ్నలు, ఫిజిక్స్ నుంచి 20 ప్రశ్నలు, కెమిస్ట్రీ నుంచి 15 ప్రశ్నలు, బయాలజీ నుంచి 5 ప్రశ్నలు ఇస్తారు.

How to Apply

ఆసక్తికలిగిన విద్యార్థులు www.tgtwgurukulam.telangana.gov.in వెబ్​సైట్​ ద్వారా దరఖాస్తు చేసుకోవచ్చు. ముందుగా రిజిస్ట్రేషన్​ చేసుకొని ఆ తర్వాత రూ.200 అప్లికేషన్​ ఫీజు చెల్లించాలి. ఆ తర్వాత ఆన్​లైన్​ అప్లికేషన్​ ఫాం నింపి సబ్మిట్​ చేయాలి. దరఖాస్తు సమయంలో ఏమైనా సమస్యలు తలెత్తితే 9121174434 / 9121333472 నెంబర్లకు ఫోన్​చేసి పరిష్కారం పొందవచ్చు.

ఆన్​లైన్​ దరఖాస్తుకు చివరి తేదీ : ఏప్రిల్​ 08, 2023

– Admissions in Warangal Sainik School