Staff Nurse Exam Date : తెలంగాణ రాష్ట్ర ప్రభుత్వం ఇటీవల మంజూరు చేసిన స్టాఫ్ నర్స్ (Staff Nurse) పోస్టుల రిక్రూట్మెంట్ కోసం ఆగస్ట్ 2వ తేదీన రాత పరీక్ష నిర్వహించనున్నట్లు మెడికల్ అండ్ హెల్త్ సర్వీసెస్ రిక్రూట్మెంట్ బోర్డు (Medical Health Services Recruitment Board-MHSRB) ప్రకటించింది. తెలంగాణ రాష్ట్రంలోని ప్రభుత్వ ఆసుపత్రులలో జనరల్ రిక్రూట్మెంట్ ద్వారా 5,204 స్టాఫ్ నర్స్ పోస్టుల భర్తీకి మెడికల్ హెల్త్ సర్వీసెస్ రిక్రూట్మెంట్ బోర్డు నోటిఫికేషన్ జారీ (Notification No.3/2022) చేసింది. ఈ పోస్టులకు మొత్తం 40,926 మంది అభ్యర్థులు దరఖాస్తు చేసుకున్నారు.
Computer Based Test (CBT)
ఈసారి స్టాఫ్నర్స్ పోస్టుల భర్తీకి ఆన్లైన్లో కంప్యూటర్ బేస్డ్ టెస్ట్ నిర్వహించనున్నట్టు బోర్డు ప్రకటించింది. అయితే, 40,926 మందికి ఒకేసారి ఎగ్జామ్ నిర్వహించడం సాధ్యం కాబట్టి మూడు షిఫ్టుల్లో పరీక్ష నిర్వహిస్తామని వెల్లడించింది. ఆగస్ట్ 2వ తేదీన ఉదయం 9 గంటల నుంచి 10:20 వరకు ఫస్ట్ షిప్ట్, మధ్యాహ్నం 12 గంటల 30 నిమిషాల నుంచి 1:50 వరకు రెండో షిఫ్ట్, సాయంత్రం 4 గంటల నుంచి 5:20 వరకు మూడో షిఫ్ట్ పరీక్ష నిర్వహిస్తామని ప్రకటించింది.
Hall Tickets from 23rd July
- ఈ పరీక్ష 80 నిమిషాల పాటు ఉంటుందని మెడికల్ అండ్ హెల్త్ సర్వీసెస్ రిక్రూట్మెంట్ బోర్డు ప్రకటించింది.
- మొత్తం 80 మల్టిపుల్ చాయిస్ క్వశ్చన్స్ ఉంటాయని, ప్రతి జవాబుకు ఒక మార్కు ఉంటుందని తెలిపింది.
- ప్రశ్నపత్రం ఇంగ్లీష్లో మాత్రమే ఉంటుందని పేర్కొంది.
- బోర్డు వెబ్సైట్ నుంచి జులై 23 నుంచి హాల్ టికెట్లు డౌన్లోడ్ చేసుకోవచ్చని సూచించింది.
Examination Centres
ఈ పరీక్షకు రాష్ట్రంలో కేవలం నాలుగు జిల్లాల్లో మాత్రమే పరీక్ష కేంద్రాలను ఏర్పాటు చేయనున్నట్టు బోర్డు తెలిపింది. హైదరాబాద్, వరంగల్, ఖమ్మం, నిజామాబాద్ జిల్లాల్లో పరీక్ష కేంద్రాలు ఏర్పాటు చేస్తామని వెల్లడించింది.
Selection Procedure
- ఈసారి అభ్యర్థుల ఎంపికలో నార్మలైజేషన్ ప్రాసెస్ను బోర్డు ప్రకటించింది.
- మొత్తం 100 పాయింట్ల ఆధారంగా అభ్యర్థులను ఈ పోస్టులకు ఎంపిక చేస్తారు.
- అర్హత పరీక్షలో పొందిన మార్కుల శాతానికి గరిష్ఠంగా 80 మార్కులు కేటాయిస్తారు.
- రాష్ట్ర ప్రభుత్వం పరిధిలోని ఆసుపత్రులు, వివిధ కార్యక్రమాలలో కాంట్రాక్టు, ఔట్ సోర్సింగ్ పద్ధతిలో పనిచేసిన వారికి గరిష్ఠంగా 20 మార్కులు కేటాయిస్తారు.
- గిరిజన ప్రాంతాల్లో పనిచేసిన వారికి 6 నెలలకు 2.5 పాయింట్లు, గిరిజనేతర ప్రాంతాల్లో పనిచేసిన వారికి 6 నెలలకు 3 పాయింట్లు కేటాయిస్తారు.
- కనీసం 6 నెలలు పనిచేస్తేనే ఈ మార్కులు కేటాయిస్తారు.
- అయితే, ఈ మార్కులకు సంబంధించి సంబంధిత విభాగం హెచ్వోడీ నుంచి సర్టిఫికెట్ తీసుకొని అప్ లోడ్ చేయాల్సి ఉంటుంది.
Syllabus for Staff Nurse Written Test
– Staff Nurse Exam Date